الرئيسية
أحدث الصورمن مذكرات أم
أولادنا :: تربية الطفل :: تجارب وحكايات
صفحة 1 من اصل 1
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
رد: من مذكرات أم
من طرف shaimaa الخميس يناير 20, 2011 3:01 pm
(1)
الرغبة في الانجاب ماكانتش من أولوياتي أول ما اتجوزت .. لأني اتحملت مسئولية أخواتي من سن صغيرة جدا وبذلت معاهم مجهود كبير .. وكنت مش عايزة اشيل مسئولية لفترة كدة على سبيل الراحة.. طبعا التمنى غير التنفيذ .. لأن زوجي بيحب الأطفال جدا وكان منتظر اليوم اللي هيتجوز فيه عشان يجيب أولاد .. ولهذا كان مجبر أخاك لا بطل .(2)
فترات الحمل على قد ماهي مرهقة ومتعبة على قد ما شعرت بشعور غامض من الفرحة والترقب والقلق من بعض المضاعفات نتيجة لوضع صحي مزمن أعاني منه .. لكن سبحان الله .. القادر على كل شيء .
( 3)
موضوع اختيار الاسم دة عملية كانت مرهقة قوي بالنسبة لي .. ومن أولها اتفقنا أنا وزوجي اننا مش هنسمح لحد سواء من عيلتي أو من عيلته في التدخل في اختيار الأسم .. واستخدمنا ذكاءنا اكيد عشان ما نزعلش العيلتين مننا .. في البداية قلنا هنسمي إياد .. وبعدين قولنا ياسين ... واخيرا في الشهر السادس اتكعبلت في اسم مروان .. اتجننت بالاسم دة . وحسيت انه الللي بدور عليه .. ولما عرضته على زوجي عجبه جدا .. ولكننا خبيناه عن الكل عشان يبقى مفاجأة .. وبالفعل كان اسم له وقع محبب على كل من سمعه .
( 4)
كان نفسي اشوف ابني اول لحظة يوصل فيها .. زي الأفلام الأجنبي .. وأسمع أول صرخة ليه وأعيش كل لحظة من لحظات الولادة .. وكنت مصممة على الولادة بشكل طبيعي .. وكنت عارفة انها فترة مش سهلة أبدا لكني كنت عايزة أمر بيها وانا متماسكة .. لكن إرادة الله جعلتني اولد بعملية قيصرية .. وأتأخرت يجي 5 ساعات على ما قدر اشوف ابني وأملي عيني بملامحه .. وساعتها تعجبت جدا انه نفس صورة الطفل اللي شفته في المنام قبل ولادته بشهرين تقريبا .. سبحان الله !. أكيد للحديث بقية ..
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
رد: من مذكرات أم
من طرف shaimaa الخميس يناير 20, 2011 3:01 pm
( 5)
الاحساس بالأمومة فعلا احساس مايفعش يتوصف .. مش هنلاقي كلمات تقدر تعبر عنه .. هو ممكن نقرب الفكرة شوية للي ما جربوش انه زي ما يكون تم اقتطاع جزء من جسدك وتم تشكيلها لانسان جديد .. بس برضه هيظل احساسك انها جزء من جسدك يمشي على قدمين .. كمان المسئولية المصاحبة للأمومة مختلفة .. فأنا زي ما قلت قبل كدة قمت برعاية اخواتي .. وشفتهم قدامي بيكبروا يوم ورا التاني وشفت مراحل حياتهم كلها .. لكن الاحساس هنا مختلف فعلا مش هقدر أقول عنه غير مسئولية طعمها حلو قوي .. طبعا أكيد الأب بيحس بنفس الشعور زي الأم .. ومش هقدر ارسم صورة وردية لدور الأمومة .. لأن الدور دة عشان يؤدى على أكمل وجه لام يكون الانسان متفهم أبعاد الدور وفخور ومقتنع بيه .. وعارف انه مش دور سهل .. وهو فعلا مش سهل .. وساعات بوصل درجة من الإرهاق الشديد .. أو الرغبة في الانطلاق لوحدي .. أو حتى أبسط شيء وهو النووووم زي بقية خلق الله 
.. وخصوصا ان مسئوليات الأمومة مش هي الشيء الوحيد في الحياة اللي بعمله .. لكن يكفي ابتسامة من مروان .. أو حتى حركة مكارة يعملها ( قال يعني بيستغفلني وبيعمل اللي عايزه من غير ما اخد بالي ) .. عشان اضحك وعشان أشكر ربنا على أجمل نعمة في الوجود .. الأمومة .
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
رد: من مذكرات أم
من طرف shaimaa الخميس يناير 20, 2011 3:05 pm
( 6)
سمعت وقرأت قبل كدة عن ان البيبي بيسمع وهو بطن مامته الناس القريبين منها .. وكنت قرأت مرة نظريات بتدعي انه حتى شعور الأم بالاشخاص الي حواليها من حب وكره بتنتقل للبيبي .. عموما حبيت دائما يكون في علاقة بين البابا والبيبي ..
وحصل موقف مؤثر قوي وقت ما ولدت انه مروان كان بيبكي او ما طلعوه من غرفة العمليات وانا كنت لسة جوة وبعديها طبعا في البنج يجي 3 ساعات .. المهم انه يبدو انه كان خايف .. وحاولت امي واخواتي انهم يسكتوه مافيش فايدة ... ولما بابا اتكلم جنبه سكت .. واتكررت اكثر من مرة انه يبكي فباباه يتكلم جنبه ... ويسمع صوت ابوه فيسكت .. الموقف دة كان مؤثر جدا .. وخلال الايام اللي بعد كدة وقبل ما يفتح عينيه وحتى بعد ما فتحها ( البيبي بيشوف على بعد سنتيمترات بسيطة اول ما يتولد ) كان لما يبكي ويسمع صوتي او صوت ابوه يسكت .. وكأنه عارف الاصوات دي وسامعها من وهو جوة وحافظها كويس .
وحصل موقف مؤثر قوي وقت ما ولدت انه مروان كان بيبكي او ما طلعوه من غرفة العمليات وانا كنت لسة جوة وبعديها طبعا في البنج يجي 3 ساعات .. المهم انه يبدو انه كان خايف .. وحاولت امي واخواتي انهم يسكتوه مافيش فايدة ... ولما بابا اتكلم جنبه سكت .. واتكررت اكثر من مرة انه يبكي فباباه يتكلم جنبه ... ويسمع صوت ابوه فيسكت .. الموقف دة كان مؤثر جدا .. وخلال الايام اللي بعد كدة وقبل ما يفتح عينيه وحتى بعد ما فتحها ( البيبي بيشوف على بعد سنتيمترات بسيطة اول ما يتولد ) كان لما يبكي ويسمع صوتي او صوت ابوه يسكت .. وكأنه عارف الاصوات دي وسامعها من وهو جوة وحافظها كويس .
__________________
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
رد: من مذكرات أم
من طرف shaimaa الخميس يناير 20, 2011 3:06 pm
( 7 )
بيقولوا اني نمكية .. وانا اعترف اني بهتم بالتفاصيل قوي .. واحب ارتب واعد العدة لأي حدث هيحصل في حياتي .. وعشان كدة اهتميت قوي بمسألة التصوير لأول لحظة من عمر ابني .. على اساس انها هتبقى ذكريات على مر الزمن .. عشان كدة وصيت كل العائلة بموضوع التصوير .. وواعتمدت على اخواتي البنات عشان كنت عارفة ان زوجي هيكون مش فايق للموضوع دة .. وأجمل حاجة دلوقتي لما بتفرج على فيديو اول لحظة يخرج فيا ابني من غرفة العمليات .. وازاي كان بيبكي .. وأتأمل استجابته للمعلقة اللي فيها الكولوكوز وازاي بيستجيب ويشربها .. واقعد استعجب .. مين علمه انه يستجيب ويشرب .. دة لسة عمره ساعات !!! .. بجد سبحان الله الخالق المصور .
عدل سابقا من قبل shaimaa في الخميس يناير 20, 2011 3:13 pm عدل 2 مرات
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
رد: من مذكرات أم
من طرف shaimaa الخميس يناير 20, 2011 3:06 pm
(8 )
اول 3 شهور بعد الولادة فعلا مرهقين ..طبعا الام بتكون خارجة من موضوع الولادة بكل مافيه من انقلاب في حياتها ( الام لاول مرة ) .. وما فيه من مخاوف نفسية من الدور الجديد .. لكن ارهاق رعاية البيبي في اول 3 شهور سواء لأم أول مرة او لأم عندها اولاد تانيين متعب جدا ..
والمشكلة الرئيسية هي في النوووووووووووم
انا فاكرة اني كنت مابنامش خالص .. بجد مش تهويل .. يعني فكرة النوم نص ساعة كاملة دي كانت مستحيلة .. وفاكرة كويس لما رحت للدكتور اشتكيله " يا دكتور دة مش بينام خالص " .. وطبعا الدكتور ضحك وما افادنيش باي حاجة ..وكنت بوصل درجات من البكاء الشديد عشان نفسي انااااااااااااام يا عالم
.. ولما قرأت لقيت انه طبيعي مسألة عدم النوم عند حديثي الولادة وخصوصا لو بيعانو من تعسر في الرضاعة او مغص .. والحقيقة التصاق مروان بي واضح من أول يوم .. يعني أول 3 شهور كان بينامهم على كتفي وبمجرد ما ينزل يبكي ومستحيل ينام .. طبعا بدأت النصائح بعدم الاستسلام للوضع دة وأكيد كان عندهم حق .. لكن برضه كنت بضعف .. ازاي يعني اسيبه يعيط !!.. بس المعلومة الاكيدة كانت انه الوضع هيتغير بعد 3 شهور وهيبتدي ينتظم في للنوم بشكل اكبر ويبتدي يحس بالليل والنهار .. لو الأم مش بتشتغل وربة بيت الأمور هتتسحن كتير بعد 3 شهور فلو مزاجه جاله أنه يصحى بليل يلعب وطالبة معاه يعني ( ودي هتتكرر كتير ) مش هتلاقي مشكلة .. تبقى تعوض النوم دة بالنهار لما هو ينام .. أما بقى لو سيدة عاملة فالله معها
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
رد: من مذكرات أم
من طرف shaimaa الخميس يناير 20, 2011 3:07 pm
(9)
كنت قرأت مرة مقال ظريف بيتكلم عن اختلاف ردود افعال الأمهات عند رؤيته مولودهم .. ففي منهن اللي بتستقبله بالفرح ومنهن اللي بتستقبله بالخوف .. ومنهن اللي بتتردد لفترة قبل الإقبال عليه .. ومنهن اللي بيجيلها حاله كدة مش عايزة تشيله أو تمسكه لكام يوم .. والحقيقة انه بيحدد دة حاجات كتيرة منها عملية الولادة نفسها ومدى صعوبتها .. ونفسية الام اثناء الحمل .. وغيرها من الأمور .. لكن اللي بيأكد عليه المقال انه رد الفعل الأولي دة مش مؤشرة خالص لمدى حنية او حب الأم دي لأبنها .. أو ان في أم أحسن من أم ... يعني هو مجرد شيء مؤقت مالوش دليل على شيء .. بالنسبة لي انا أعتقد اني كان عندي شعور مختلط بين الفرحة والخوف .. بس كان الخوف عليه .. كان عندي احساس انه صغير وضعيف إلى حد غير معقول .. يعني خايفة عليه حتى من التلوث الي في الهوا اللي بيتنفسه
.(10 )
من الأمور المهمة اللي قرأت عنها " اكتئاب ما بعد الولادة " وهو نوع من الاكتئاب المؤقت اللي بيصيب السيدة بعد الولادة .. وشدة الاكتئاب دة بتخضع لعوامل كتيرة .. وبتختلف من سيدة لأخرى .. وقد ينتهي عند رغبة بالبكاء او حتى الاحساس بالضيق .. او يتطور الى ما ابعد من ذلك .. لحد يصل الي امكانية ان تؤذي الأم نفسها أو طفلها ( وطبعا دي حالات نادرة جدااا ) .. وعلى ما اذكر انه سبب هذا الاكتئاب هو اختلال او لخبطة مؤقتة في وظائف الغدد في جسم السيدة . مهم جدا ان السيدة تبقى عندها فكرة عن الموضوع دة وان زوجها كمان واللي والمحيطين بيها يكونوا فاهمين اللي هي بتمر بيه .. السيدة بتكون محتاجة تفهم واحتواء ودعم من الزوج ..
واذكر اني في منتدى آخر خاص بالتجمعات النسائية كنت عملت موضوع عن " اكتئاب ما بعد الولادة ... شاركينا تجربتك " وطبعا العضوات كان عدد كبير منهن ما يعرفوش حاجة عن الموضوع دة وعدم معرفتهم دي ادت الي مشاكل ..
في منهن اللي ذكرت انها كان عندها رغبة شديدة في انها ما تشوفش زوجها ( مش طايقاه
) وطبعا الزوج فهم غلط واتخانقوا وواداها عند اهلها .. بس طبعا تدخل ولاد الحلال بعد كدة للصلح . في منهن اللي ذكرت انها كانت مش عايزة ترجع من المستشفى لشقتها واصرت وبكت انها تروح عند اهلها وطبعا اتفهمت غلط ..
وفي منهن الللي كان بيصيبها حالة شديدة من البكاء اذا غادر زوجها المنزل وكانت عايزاه يسيب شغله ويقعد جنبها
.. لكن معظم الحالات بتكون مجرد رغبة في البكاء وحساسية مش اكتر وبتعدي على خير بإذن الله ..
بالنسبة لي انا فأنا مريت بالنوع الأخير وهو الرغبة في البكاء لاي سبب تافه .. والحقيقة انا كنت قلت لزوجي قبل كدة عن شعار المرحلة دي وهو "الاكتئاب ".. والحقيقة هو كان متفهم جدا للموضوع .. وكنت بصراحة بتلكك يعني دبانة تدخل من الشباك اعيط
.. ومرة حبست نفسي في الحمام وهاتك يا عياط .. وهما يخبطوا ع الحمام عشان يطلعوني ( جنان مش كدة ) بس الحقيقة كانت مجرد أيام والأمور رجعت تحت السيطرة من جديد .
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
رد: من مذكرات أم
من طرف shaimaa الخميس يناير 20, 2011 3:08 pm
( 11 )
من اصعب التجارب اللي ممكن اكون مريت بيها في حياتي هي تجربة اني اسيب ابني في حضانة .. والحقيقة انه فكرة الحضانة ما كانتش واردة خالص لحد يمكن قرب الولادة .. وحتى لما اخدت اجازة الوضع كنت لسة مش متأكدة اذا كنت هرجع الشغل تاني وللا هقعد في البيت وللا ايه .. ولاني نمكية وبهتم بالتفاصيل قبل ما اخد اجازة الوضع عملت مسح للمنطقة اللي فييها شغلي عشان اشوف الحضانات اللي هناك ونظامها ايه .. وطبعا كان شيء مفروغ منه ان لو هسيب ابني في حضانة يبقى لازم يكون جنب مني .. اولا عشان ابقى حاسة انه قريب .. ثانيا عشان لو لا قدر الله حصل حاجة اكون فورا عنده .. ثالثا عشان اقلل ساعات الفراق يعني يدوب يبقوا 6 ساعات العمل فقط .. لكن لو كنت اضفت عليهم وقت المواصلات كانوا هيكونوا 9 ساعات على الاقل ..
المواصفات اللي كنت بدور عليها في الحضانة كانت اولا النضافة .. ثانيا الخبرة يعني مش اي حد لسة فاتح حضانة جديد ممكن يكون عنده خبرة .. ثالثا السمعة .. رابعا درجة الاقبال ومستويات الناس اللي بتودي اولادها فيها بالمقارنة كمان بمصاريفها .... كمان عدد المدرسات في الفصل وخاصة فصول الرضع لان فصل الرضع عايز اكتر من مدرسة واقفة .. كمان المدرسات دول مؤهلاتهم ايه يعني اهتميت قوي بأن اللي بيراعي الرضع مدرسات مش دادات ..
كمان اجراءات السلامة في الحضانة .. هل فيها جنينة مثلا ممكن طفل يتعرض فيها لاذي .. هل في شباك واطي او منور او اي حاجة ممكن تكون خطر ع الاولاد وخصوصا اللي في مرحلة الاستكشاف ..
الحقيقة ربنا وفقني في حضانة كانت بتتمتع بمعظم الشروط اللي حطيتها دي .. وقلت لو رجعت للشغل بعد اجازة الوضع يبقى هي دي اللي ان شاء الله هسيب ابني فيها ..
في مرحلة ما بعد الوضع دارت مناقشات كتيرة جدا بيني وبين زوجي لتحديد موقفنا من الموضوع .. والحقيقة انه كانت هناك ظروف بتحتم عليا العودة للعمل .. وتعسرت كل السبل والبدائل اللي ممكن تغني عن اني اسيب ابني في الحضانة .. بس الشيء اللي اتفقنا عليه انا وزوجي انه مصلحة مروان هي الاساس والاصل .. وانه هننزل ونجرب الحضانة كام شهر ونقيم التجربة .. ولو حسينا في لحظة ان في اي تأثير سلبي على مروان .. فالموضوع هيكون حسم بانه لازم اقعد في البيت عشان مصلحته .
نزلت قبل ما تخلص اجازة الوضع بايام عشان اتفقد الوضع فيها واخد قراري الاخير .. وهناك طمنوني وطلبو مني اني اسيب مروان ساعتين عندهم واروح اعمل اي مشوار .. عشان ادرب نفسي نفسيا لتقبل الموضوع .. وساعتها قالتلي مديرة الحضانة لازم هتتأثري مادمتي ام طبيعية .. بس الحقيقة انه ما كونتش متوقعة ان التأثر يكون بالشكل دة .. انا مشيت في الشارع عندي حالة بكاء شديد جدا
.. ومشيت اعيط زي الهبلة قدام الناس .. وحقيقي ما كونتش قادرة اسيطر على دموعي .. لدرجة ان في واحدة وقفتلي وقعدت تقوللي مالك فيكي ايه اني تعبانة .. قولتلها ابدا بس ابني في الحضانة هنا اول مرة .. .. واللي يغيظ ان الاستاذ مروان ماعندوش اي مشاكل حطوه ع السرير وقعد يراقب بفضول الاطفال اللي حواليه .. طبعا كان عمره شهرين وشوية يعني لسة مش مدرك قوي.. وتكرر الموضوع دة على مدى كام يوم قبل ما انزل الشغل .. وطبعا كل مرة بتماسك اكتر .. وبرغم ان مروان دلوقتي سنة وعشر شهور .. والمفروض انه متعود ع الحضانة .. وبيدخل بنفسه على الكلاس بتاعه من غير مشاكل ... ( الا من بعض المرات اللي فيها بيكون منزعج من حاجة زي تغيير مدرسته او انه مريض ) .. لكن مازلت حتى الان بشعر بشعور غير مريح لحظة ما بسيبه هناك .. شعور مؤلم لكنه تحت السيطرة
.
shaimaa- Admin
- عدد المساهمات : 71
نقاط : 25671
النشاط : 3
تاريخ التسجيل : 01/12/2010 -
أولادنا :: تربية الطفل :: تجارب وحكايات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى